Thanma News

ന്യൂനപക്ഷ പ്രീണനം അഖണ്ഡതയ്‌ക്കു കോട്ടം: എന്‍.എസ്‌.എസ്‌

Posted by editor on April 17th, 2013

ചങ്ങനാശേരി: വോട്ടുബാങ്ക്‌ ലക്ഷ്യംവച്ചുള്ള ന്യൂനപക്ഷ പ്രീണനം സംസ്‌ഥാനത്തിന്റെ അഖണ്ഡതയ്‌ക്കു കോട്ടം വരുത്തുമെന്ന്‌ എന്‍.എസ്‌.എസ്‌. ന്യൂനപക്ഷ ക്ഷേമത്തിനു പ്രത്യേകിച്ച്‌ മുസ്ലിം വിഭാഗത്തിനു കൂടുതല്‍ ആനുകൂല്യങ്ങള്‍ നല്‍കാന്‍ ശ്രമിക്കുന്ന സര്‍ക്കാര്‍, മുന്നോക്കക്ഷേമ കോര്‍പറേഷന്‍ രൂപീകരണവും സ്‌തംഭിപ്പിക്കാന്‍ ശ്രമിക്കുന്നു. പരിശീലനം നല്‍കി ന്യൂനപക്ഷങ്ങളെ പ്രോത്സാഹിപ്പിക്കുന്നതു നല്ലതാണ്‌. എന്നാല്‍ ഇതു നടക്കുമ്പോള്‍ മുേന്നാക്ക വിഭാഗം അവഗണിക്കപ്പെടുന്നു.
സാമൂഹികനീതി ഒരുപോലെ ഉറപ്പാക്കാന്‍ ബാധ്യതയുള്ള സര്‍ക്കാര്‍ ജാതിയുടെ പേരില്‍ ഒരു വിഭാഗത്തിനുമാത്രം നീതി നിഷേധിക്കുന്നത്‌ മതേതരത്വത്തോടുള്ള വെല്ലുവിളിയാണെന്നും മുഖപത്രമായ സര്‍വീസിന്റെ മുഖപ്രസംഗത്തില്‍ ചൂണ്ടിക്കാട്ടുന്നു. ന്യൂനപക്ഷവിഭാഗത്തിലെ അഭ്യസ്‌തവിദ്യരും തൊഴില്‍രഹിതരുമായ മുസ്ലിം വിദ്യാര്‍ഥികളെ മത്സരപരീക്ഷകള്‍ക്കു പ്രാപ്‌തമാക്കുന്നതിനു കൂടുതല്‍ തൊഴില്‍ പരിശീലനകേന്ദ്രം ആരംഭിക്കുമെന്നാണു മന്ത്രി മഞ്ഞളാംകുഴി അലി നിയമസഭയില്‍ പറഞ്ഞത്‌. സച്ചാര്‍ കമ്മിറ്റിയുടെ റിപ്പോര്‍ട്ടിന്റെ അടിസ്‌ഥാനത്തില്‍ രൂപീകരിച്ച സമിതിയുടെ നിര്‍ദേശത്തിലാണ്‌ നടപടികള്‍ക്കു വേഗം കൂട്ടി യിരിക്കുന്നത്‌. മുസ്ലിം വിദ്യാര്‍ഥികള്‍ക്കു പിന്നാക്ക ക്കാര്‍ക്കും പരിഗണന നല്‍കു മ്പോള്‍ മുന്നോക്കക്കാരിലെ പാവപ്പെട്ടവന്റെ അവസ്‌ഥ ദുരിതപൂര്‍ണമാകുന്നു. ഈ വിഭാഗത്തോടു മനുഷ്യത്വപരമായ സമീപനമല്ല രാജ്യത്തുള്ളതെന്നും മുഖപ്രസംഗം ചൂണ്ടിക്കാട്ടുന്നു. മുേന്നാക്ക ക്ഷേമകോര്‍പറേഷന്‍ ഒന്നരവര്‍ഷമായിട്ടും തുടങ്ങിയേടത്തു തന്നെയാണ്‌. മുേന്നാക്കക്കാരിലെ നിര്‍ധന കുടുംബങ്ങള്‍ ആത്മഹത്യയുടെ വക്കിലായിട്ടും ഇതേപ്പറ്റി ശബ്‌ദമുയര്‍ത്താന്‍ ഒരു ജനപ്രതിനിധിയും തയാറായിട്ടില്ല.
ദേശീയതാല്‌പര്യങ്ങള്‍ സംരക്ഷിക്കുന്നതില്‍ കോണ്‍ഗ്രസ്‌ വഹിച്ച പങ്കാണ്‌ എന്‍.എസ്‌.എസിനെ കോണ്‍ഗ്രസിനോട്‌ അടുപ്പിച്ചത്‌.
എന്‍. എസ്‌.എസിന്‌ രാഷ്ര്‌ടീയമില്ല. മതേതരത്വം ജനാധിപത്യം, സമൂഹ്യനീതി എന്നീ അടിസ്‌ഥാനമൂല്യങ്ങളിലാണ്‌ പ്രസ്‌ഥാനം വിശ്വാസമര്‍പ്പിച്ചിട്ടുള്ളത്‌. ഇതിന്റെ അടിസ്‌ഥാനത്തില്‍ സാമൂഹ്യവും രാഷ്‌ട്രീയവുമായ വിഷയങ്ങളില്‍ വ്യക്‌തമായ അഭിപ്രായങ്ങള്‍ എല്ലാകാലത്തും സംഘടന സ്വീകരിച്ചിട്ടുണ്ട്‌. ഏതെങ്കിലും രാഷ്ര്‌ടീയപ്രസ്‌ഥാനത്തിനു സംഘടനയോ, അതിന്റെ നേതാക്കളോ കീഴ്‌പ്പെട്ടുവെന്ന്‌ ഇതിനര്‍ത്ഥമില്ലെന്നും മുഖപ്രസംഗത്തില്‍ പറയുന്നു

സെല്ലുലോയിഡില്‍ പറഞ്ഞത്‌ സത്യം – ഹാരിസ്‌ ഡാനിയേല്‍

Posted by editor on February 26th, 2013

‘സെല്ലുലോയിഡി’ലൂടെ സംവിധായകന്‍ കമല്‍ പറഞ്ഞത്‌ സത്യം മാത്രമാണെന്നും, കെ. കരുണാകരനെയോ മലയാറ്റൂര്‍ രാമകൃഷ്‌ണനെയോ അപകീര്‍ത്തിപ്പെടുത്തിയിട്ടില്ലെന്നും ജെ.സി. ഡാനിയേലിന്റെ ഇളയ മകന്‍ ഹാരിസ്‌ ഡാനിയേല്‍. സിനിമയിലൊരിടത്തും കരുണാകരനെ കുറിച്ച്‌ യാതൊന്നും പരാമര്‍ശിക്കുന്നില്ല എന്നും ഡാനിയേലിന്റെ പുത്രന്‍ ചൂണ്ടിക്കാട്ടുന്നു.

ജീവിതകാലത്തെ മുഴുവന്‍ സമ്പാദ്യവും ചെലവിട്ടും ഏറെ അദ്ധ്വാനിച്ചുമാണ്‌ തന്റെ പിതാവ്‌ ജെ.സി. ഡാനിയേല്‍ ‘വിഗതകുമാരന്‍’ എന്ന മലയാളത്തിലെ ആദ്യ സിനിമ നിര്‍മ്മിച്ചത്‌. അദ്ദേഹത്തിന്റെ ജീവിതത്തോടും കലയോടും നീതി പുലര്‍ത്തിക്കൊണ്ടാണ്‌ കമല്‍ സെല്ലുലോയിഡ്‌ ചിത്രീകരിച്ചതെന്നും ഹാരിസ്‌ അഭിപ്രായപ്പെട്ടു.

മലയാളത്തിലെ ആദ്യത്തെ ചലനചിത്രം യാഥാര്‍ത്ഥ്യമാക്കാന്‍ വേണ്ടി സ്വന്തം സമ്പാദ്യവും ജീവിതവും മുഴുവന്‍ നഷ്‌ടപ്പെടുത്തിയിട്ടും വിസ്‌മരിക്കപ്പെട്ടു കിടന്ന ജെ.സി. ഡാനിയേലിനെക്കുറിച്ച്‌ ആദ്യമായി പുറംലോകത്തോട്‌ പറഞ്ഞത്‌ പ്രമുഖ പത്രപ്രവര്‍ത്തകനും മലയാള സിനിമയുടെ ചരിത്രകാരനുമായ ചേലങ്ങാട്ട്‌ ഗോപാലകൃഷ്‌ണനാണ്‌. ഇപ്പോള്‍ സിനിമയെന്ന ശക്‌തമായ മാധ്യമത്തിലൂടെ വിഗതകുമാരന്റെ സൃഷ്‌ടാവിന്റെ ജീവിതത്തെ ആദരിക്കാനും പുതിയ തലമുറയ്‌ക്ക്
പരിചയപ്പെടുത്താനുമുള്ള കമലിന്റെ ശ്രമത്തോട്‌ ആദരവാണുള്ളത്‌. വിമര്‍ശനം ഉന്നയിക്കുന്നവര്‍ ഇക്കാര്യം മനസിലാക്കണമെന്നും ഹാരിസ്‌ പറയുന്നു.

ആറുവയസിന്റെ അറിവില്ലായ്‌മയില്‍ അഗസ്‌തീശ്വരത്തെ വീട്ടില്‍ ഒരു പഴയ പെട്ടിയില്‍ സൂക്ഷിച്ചിരുന്ന ‘വിഗതകുമാരന്റെ’ ഫിലിം ചുരുളുകള്‍ കേവല രസത്തിനോ കൗതുകം കൊണ്ടോ താന്‍ വലിച്ച്‌ പുറത്തിട്ട്‌ കത്തിച്ചു കളയുകയായിരുന്നുവെന്ന്‌ സെല്ലുലോയിഡിന്റെ പ്രദര്‍ശനോദ്‌ഘാടന വേളയില്‍ ഹാരിസ്‌ മാധ്യമങ്ങളോട്‌ വെളിപ്പെടുത്തുകയുണ്ടായി. താനങ്ങനെ ചെയ്യുമ്പോള്‍ മലയാളത്തിലെ ആദ്യ സിനിമ യാഥാര്‍ത്ഥ്യമാക്കാന്‍ ഇറങ്ങി പുറപ്പെട്ട്‌ സര്‍വ്വതും നഷ്‌ടമായി വീട്ടില്‍ തിരിച്ചെത്തിയ പിതാവ്‌ മൂക സാക്ഷിയായി ഒരു ചാരു കസേരയില്‍ കിടന്നിരുന്നതായും ഹാരിസ്‌ പറഞ്ഞു. സിനിമയുടെ പിന്നാലെ പോയി ജീവിതം കൈവിട്ടുപോയതിനാല്‍ ജീവിതത്തോടും സിനിമയോടും ഒരേ പോലെ തോന്നിയ മടുപ്പിനാലാവും അന്ന്‌ അദ്ദേഹം താന്‍ ഫിലിം ചുരുളുകള്‍ കത്തിക്കുന്നതു കണ്ടിട്ടും ഒന്നും പ്രതികരിക്കാതിരുന്നതെന്നും ഹാരിസ്‌ അഭിപ്രായപ്പെട്ടു. കമല്‍ ‘സെല്ലുലോയിഡി’ലും ഇക്കാര്യം ദൃശ്യവത്‌ക്കരിച്ചിട്ടുണ്ട്‌


Copyright © thanmanes 2010
Powered by scriptinfoways